Publicacións etiquetadas con: "Saídas e excursións"

«Volveremos»: unha verba, unha promesa que nunca deixamos de pronunciar… pero por fin chegou o día na que se fixo realidade, o momento que tantos nenos e nenas estaban agardando.

E así foi, como despois de tantos meses agardando, saímos da aula! Este vídeo é unha lembranza da derradeira excursión do alumnado de 6º de primaria, que para o ano que vén xa non formará parte do noso colexio. Oxalá que o vindeiro ano a situación mellore e o resto de cursos tamén poidan participar nas súas!

O alumnado de 6º de primaria visitou as súas instalacións e coñeceu de primeira man as posibilidades que ofrece este espazo, entre as que se atopan unha morea de recursos bibliográficos e confortables recantos para fomentar a lectura e o estudo. 

Poucas datas estaban gravadas con tanta intensidade nos seus maxíns. Desde o inicio do curso os alumnos de quinto e sexto de primaria estaban agardando con emoción que a proposta dos seus mestres se fixese realidade: asistir ao espectáculo Corteo da recoñecida compañía canadense Cirque du Solei en Santiago de Compostela.