Lema do curso 2018/19

Ao longo deste curso queremos seguir traballando a importancia de valorar a vida como un agasallo que merece ser compartido e levar a cabo unha reflexión sobre a pegada que producimos nela.

Debemos espertar nos novos maxíns a consciencia de que cada un de nós  somos importantes na medida en que a nosa conduta exerce unha influencia sobre os demais.

De ti depende… depende de ti:

  • Loitar con esforzo polo que desexas, con valentía e dándolle as costas aos medos que só te deteñen no camiño.
  • Amosar o teu amor ás persoas que te acompañan cada día.
  • Debuxar, coa túa forma de ser, un sorriso na faciana dos teus compañeiros e compartir momentos de ledicia xuntos. 
  • Bater as túas ás invisibles de forma constante, imitando á pequena bolboreta, para facer deste mundo un mellor lugar no que vivir.

Tamén che pode interesar…

Coñécenos Organigrama do centro Os nosos valores