Xian, alumno de 2º de primaria, sorprendeu á súa familia este outono escribindo un libro que nos amosa nas fotografías: La castaña y su viaje a Marte. Quen sabe se este pode ser o inicio dunha apaixonante carreira de escritor! Parabéns, Xian!

A Xunta de Galicia vén de publicar hoxe no Diario Oficial de Galicia a orde pola que se regulan os criterios e o procedemento de distribución de máscaras hixiénicas entre o alumnado matriculado nas etapas de Primaria, ESO e Educación Especial dos centros sostidos con fondos públicos que máis o necesite.

Estes días de outono, os nenos e nenas de catro e cinco anos fixeron o seu particular Magosto entre ourizos,castañas e unha gran fogueira. Aínda que botaron de menos a celebración propia destas datas, gozaron decorando as súas aulas.

Estes días a aula de catro anos encheuse de liñas para que os pequenos e pequenas practicasen diferentes trazados. Pasárono xenial xa que, ademais de poñer en práctica a súa grafomotricidade, traballaron as tonalidades que lle dan cor ao outono. Aquí tedes o resultado do traballo destes artistiñas!