Estamos no aire! (Visita a Ourense Si Radio)

18/03/2016 - 13:10

O luns 14 de marzo de 2016 os alumnos de 6º de primaria tiveron a ocasión de coñecer como é unha radio por dentro e intervir en directo nun dous seus programas. Ourense Si Radio foi a responsable de facer posible esta experiencia, que se empezou a artellar nas propias clases de lingua.

En primeiro lugar realizouse un achegamento conceptual sobre explicacións técnicas relacionadas co funcionamento do medio. Logo, o mestre puxo en marcha agrupamentos mixtos e asignoulles as temáticas que máis lle interesaban aos seus integrantes; todo isto co obxectivo de crear un programa estruturado en seccións:

  • Entrevista inicial.
  • Sección musical (repaso do pasado e o presente)
  • Sección deportiva (análise e tertulia sobre a Liga)
  • Noticias curiosas
  • Avances tecnolóxicos
  • Reberto Responde!

Esta última foi especialmente emocionante, xa que os rapaces puideron facer preguntas ao presentador sen que el soubera nada ata o momento. Toda unha argallada da que Roberto puido saír airoso!

Volve a escoitar o programa íntegro!

 
 

Os comentarios están pechados

 
 
 

Utilizamos cookies de Google Analytics e outras tecnoloxías para xerar estatísticas de audiencia e análise de navegación. Se segues navegando estarás a aceptar o seu uso. → MÁIS INFORMACIÓN

ACEPTAR
Aviso de cookies