a escola esperta cedo

Acollida matinal

Sabemos que para as familias non todas as mañás comezan á mesma hora. Por iso, ofrecemos un servizo de acollida matinal que permite ao alumnado incorporarse ao centro antes do inicio das clases nun entorno acolledor e adaptado ás súas necesidades.

Dispoñible desde as 7.30 horas

A acollida matinal non é simplemente o tempo que transcorre antes do inicio das clases. É unha oportunidade para que o alumnado chegue ao centro de maneira progresiva, se relacione cos seus compañeiros/as e inicie a xornada nun ambiente positivo e acolledor.

Profesionais do centro

A acollida matinal conta coa participación dunha monitora e do profesorado socio do colexio, o que permite manter a mesma proximidade, coñecemento do alumnado e filosofía educativa desde o primeiro momento do día.

Un inicio activo e creativo

Neste tempo o alumnado pode participar en actividades tranquilas e adaptadas á súa idade, como xogos de mesa, debuxo, lectura ou outras propostas lúdicas que favorecen a convivencia e o benestar antes do inicio das clases.

Un espazo para convivir

Este tempo tamén favorece a relación entre alumnado de diferentes idades, creando vínculos, compartindo experiencias e fortalecendo o sentimento de pertenza á comunidade educativa.

Un prezo adaptado á frecuencia de uso

3,50 € / día

Para ocasións esporádicas

Queremos que pagues sempre a opción máis vantaxosa. Se os días soltos superan o importe da tarifa mensual, aplicarase esta última.

25 € / mes

Opción mensual

Pensada para familias que fan uso habitual do servizo. Por unha cota mensual, o alumnado pode asistir todos os días que o necesite.

O que máis nos preguntan

É necesario avisar previamente para utilizar a acollida matinal?

Non. O alumnado pode incorporarse ao servizo directamente o mesmo día, sen necesidade de comunicación previa.

Poden asistir alumnos/as de todas as etapas?

Si. O servizo está dispoñible para o alumnado do centro, adaptando as actividades e opcións ás diferentes idades.